ناوه‌ڕۆك
یاساكانی مۆرفی
یاساكانی مۆرفی (به ئینگلیزی : Murphy's law) بریتیه له كۆمه‌لێك یاسا كه له مێژوودا زۆر ڕویداوه و دووباره بووه‌ته‌وه و له‌سه‌ر بنه‌مای : "هه‌رشتێك مه‌جالی تێدابێت به ڕێگایه‌كی هه‌ڵه‌دا بڕوات ئه‌وا به‌و ڕێگایه‌دا ده‌ڕوات" له‌سه‌ر ده‌ستی كاپتن نووسراوه‌ته‌وه.
یاساکانی مۆرفی بۆ بێ بەختی
- ھەمو شتێک لەو کاتەیا لە کار ئەکەوێت کە زەروری.
- ئەگەر ھەمو شتێک ئاسایی بوو مانای وایە ھەڵەیەک ھەیە و جارێ تێبینیت نەکردوە(یان بە واتایەکی تر کاتێک وا ئەزانی ھەمو شتێک باشە، چاوەڕوان بە کارەساتێک بقەومێ).
- ھەر کاتێک شتێک بە درێژیەکی دیاری کراو بڕی ھەمیشە کورتر دەردەچێت.
- ھەر کاتێک پارچەیەک نانت لەدەست کەوتە خوارەوە ھەمیشە بەو لایە بەر جلەکەت دەکەوێت کە ڕۆنەکەی پێوەیە.
- ھەر کارێک کە ئەتەوێت بیکەیت ھەمیشە کاتی زیاتری پێدەچێت لەو کاتەی کە پێشبینیت کردوە.
- مناڵ ھەرگیز لە حەمامەکە ناڕشێتەوە (واتە لە ژورەوە ئەڕشێتەوە و جل و بەرگ یاخود فەرشەکە پیس دەکات).
- چانسی لەبیر کردنی شتی گرنگ ھاوتایە لەگەڵ ئەوەی کە گرنگی شتەکە چەندە زۆرە(واتە چەند زیاتر شتەکە گرنگ بێت ئەگەرت لەبیر کردنی زیاترە).
- ھەمو چارەسەرێک کێشەیەکی گەورەتر دروست دەکات.
- کاتێک شتێک دەکەوێت ، بەسەر شوێنێکدا دەکەوێت کە زۆرترین زیانی دەبێت.
- .کاتێک شتێکت لێ ون دەبێت و ھەر لەگەڵ کڕینی دانەیەکی تر کۆنەکە ئەدۆزیتەوە.
- کاتێک شتێک دەگمەن و ناوازە دەکڕیت ھەر لەدوای کڕینی یەکسەر ئەبینی لە چەندین شوێنی تر بە نرخی ھەرزانتر ھەیە.
- ھەمو شتێکی چێژبەخش لە ژیان یان نایاساییە یان حەرامە یانیش توشی قەڵەویت ئەکات.
- ھەر شتێک لە توالێت یا حەمام بکەوێت ئەکەوێتە ناو کونەکە.
- ھەر شتێک لە شوێنێکی ئەمین دابنێیت ھەرگیز نایدۆزیتەوە.
- ھەمیشە بیرۆکە مەزنەکانت لە بیر دەکەیت و بیرۆکە پوچەکانیش ھەرگیز لە یاد ناکەیت.
- ئەگەر بە درۆ بە بەڕێوەبەرەکەت وت ئەمڕۆ تایەی سەیارەکەم پەنچەر بوە بۆیە دواکەوتوم ئەوە ڕۆژی دواتر بەڕاستی تایەکەت پەنچەر دەبێت و ناتوانی ئەم بیانوە بەکار بێنیتەوە.
- کاتێک لە سەر ڕێگا توشی قەرەباڵخی سەیارە ئەبیت ھەمیشە ئەو ڕیزەی تۆی لێیت ھێواشتر دەڕوات لە ڕیزەکانی تر.
- کاتێک لە سرەیا دەوەستیت و سرەکەی تۆ ھێواشە، ئەو کاتەی سرەکەت ئەگۆڕیت ئەبینی کە سرەکەی پێشترت خێراتر ئەڕوات.
- ھەر ئامێرێک پەلەت ھەبو لە بەکارھێنانی تۆماتیکی لە کار ئەکەوێت.
- ئەگەر درەنگ گەیشتیتە وێستگەی شەمەندەفەر ، شەمەندەفەرەکە زوتر گەیشتوە و ئەگەر زوش ھاتیت شەمەندەفەرەکە دوادەکەوێت.
- کاتێک پەیوەندی بە ژمارەیەکی ھەڵە دەکەیت ھەرگیز ئەو ژمارەیە مەشغول نیە.
- ھەر کاتێک دەستت پیس بوو لوتت ئەخورێت.
- کاتێک مۆبایلەکەت یاخود ھەر شتێکی ترت کێشەیەکی ھەیە کە ئەیبەیتە لای وەستا ئیش دەکات.
- دوای ئەوەی یاساکانی مۆرفیت زانی و ھەوڵت دا پێچەوانەی ئەوانە بسەلمێنیت، ھیچ کاریگەری نابێت ئەمە.
سەرچاوەکان
2105 بینین
