ئەستێرەی نیۆترۆنی

ئەستێرەی نیۆترۆنی Neutron Stars

ئەگەر ئەو ئەستێرەی دەتەقێتەوە بارستاییەکەی لە نێوان ٨ بۆ ٢٩ ئەوەندەی بارستایی خۆری ئێمە بێت، ئەوا دوای تاقینەوەی کرۆکەی یان ناووکەکەی زۆر زیاتر چڕ دەبێتەوە و دەبێتە جۆرێک لە ئەستێرە کە پێی دەووترێت ئەستێرەی نیۆترۆنی، ناوکەکەی ئەوەندە بچووک دەبێتەوە بە جۆرێک تیرەکەی تەنیا لە دەروبەری ١٠ کیلۆمەتر دەبێت، بەڵام چڕی و بارستەکەی ئێجگار زۆرە، سەر ڕووەکەی زۆر گەرمە کە دەگاتە ٦٠٠ هەزار پلەی کێڵڤن بەڵام ووزەیەکی ئەوتۆ نابەخشێت، لەبەر ئەوەی زۆری چڕیەکەی هێزی کێشکردنی گەلێک زۆرە و بە خێرایی بە دەوری خۆی دەسوڕێتەوە کە دەگاتە سەدەها جار لە چرکەیەکدا، لە کاتی سوڕانەوەی بەدەوری خۆیدا ترپەیەک لە تیشکی کارۆموگناتیسی دەنێرێت و بەوە دەناسرێتەوە.

سەرچاوەکان

1. بۆردی نوسەرانی ئینسكلۆپیدیای زانیاری
2. پەڕتوکی ''گەردوون'' / ن: لوقمان حەوێز