خۆری زەردەپەڕ

له‌لایه‌ن: -

کەنار ئەبووبەکر - به‌روار: 2022-07-10-15:57:00 - کۆدی بابەت: 9347

ناوه‌ڕۆك

شاعیر: جەلال مەلەکشا

بەرهەم: شیعرەکان

هۆنراوە: خۆری زەردەپەڕ

ناوێرم بانگت که‌م، شوێن ده‌نگم هه‌ڵده‌گرن
ناوت لێم زه‌وت ئه‌که‌ن هاوارم سه‌ر ده‌برن

بۆنی ده‌م ده‌که‌ن و بۆ نێو دڵ ده‌ڕوانن
ئه‌وین و ئازادی هه‌رد دووکیان تاوانن

ئاواتم گشت مردن له‌ نێو ئه‌م ته‌لبه‌نده‌
من ماوم و دڵێکی زامدار و گازنده‌

دوا گه‌ڵای زه‌ردی به‌ر هه‌ناسه‌ی زریانم
به‌هارم نه‌دیوه‌، من خه‌ڵکی زستانم

به‌ڵام هه‌ر ده‌ڕووخێ قه‌ڵاچه‌ی بێدادی
ئه‌خه‌ملێ وه‌رزی ژین به‌ تیشکی ئازادی

داخه‌که‌م ئه‌و ڕۆژه‌ به‌ چاو خۆم نابینم
وه‌ک خۆری زه‌رده‌په‌ڕ لاواز و بێ تینم

به‌ کامی دڵی خۆم ساتێکم ڕانه‌برد
له‌ باخی ژیاندا گوڵیکم (خونچه‌یکم) بۆن نه‌کرد

سوودمەند بوویت لە خوێندنەوەی بابەتەکە؟ بەڵێ نەخێر

274 بینین