ئەو هۆکارانەی کە کاریگەری هەیە لەسەر ئاوی ژێر زەوی

ئەو هۆکارانەی کە کاریگەری هەیە لەسەر ئاوی ژێر زەوی بریتین لەم هۆکارانەی خوارەوە

     ١- باران
  ئەو ناوچانەی کە بارانیان زۆرە ئەوا ئاستی ئاوی ژێر زەوی زۆر بەرزە، بەتایبەتی لە هەرێمە شێدارەکاندا کە بە خێرایی ساڵ بارانیان لێدەبارێت.

     ٢- بەهەڵم بوون
  لەو ناوچانەی کە بەهەڵم بوون زۆرە ئاوی ژێر زەوی کەمە، بەڵام لەو ناوچانەی بەهەڵم بوون کەمە، ئاوی ژێر زەوی زۆرە.

     ٣- ڕووەکی سروشتی
  ڕوەکی سروشتی چڕ و جۆراوجۆر هۆکاری یارمەتیدەرە بۆ زیادبوونی ئاوی ژێر زەوی (ئاوی ژێر زەوی لەو ناوچانەدا زۆرە)، بەڵام ئەو ناوچانەی کە ڕوەکیان کەمە یان دەگمەنە ئاوی ژێر زەویان کەمە.

     ٤- کونیلەداری ڕووی زەوی
  بوونی کونیلە و ڕێڕەو لە ڕووی زەویدا هۆکاری زیادبوونی داچۆڕانی ئاوە بۆ ژێر زەوی و لە دوایدا دەبێتە هۆی زیادبوونی ئاوی ژێر زەوی، بەڵام ئەو ناوچانەی کە ڕووی زەویەکەیان بێکونیلەیە، ئەوا داچۆڕانی ئاو کەمە و ئاوی ژێر زەویش کەمە.

سەرچاوەکان

1. بۆردی نوسەرانی ئینسكلۆپیدیای زانیاری
2. پەرتوکی ''جوگرافیای زانستی سروشتی'' / ن: حسن ابو سمور