ڕووەکی مەلوخیە

باسی ڕووەکی مەلوخیە

خواردنێکی باوی ناو کۆمەڵگەی ئاسیا و وڵاتانی عەرەبییە، لە وڵاتانی ڕۆژهەڵاتی وەک چین و ژاپۆن و هیندستان زۆر بەکاردێت. ئەوروپا و ئەمەریکا زۆر گرنگیان پێ نەداوە و لایان باو نییە.

لە کۆنەوە زۆربەی گەلەکان ئەو ڕووەکەیان ناسیووە، فیرعەونەکان لەسەر وێنەی هەڵکەندراوەکانی دیوارەکان دایانناوە دەڵێن خەلیفە (الحاکم بأمر الله) بڕیاری دابوو تەنها ببێتە خواردنی پاشا و دار و دەستەکەی هەر بۆیە ناونرا (الملوکیة)، دوایی گۆڕا بە ملوخیە پاش ئەوەی لەناو خەڵک بڵاوبۆوە.

پێکهاتەکانی ڕووەکی مەلوخیە

• ئاو ٤٧.٩٨٪.
• پڕۆتین ٢٩٪.
• زەیت ٢.٤٤٪.
• ڕەماد ١٦.٤٩٪.
• کانزای وەک ئاسن و کالیسیۆم و فۆسفۆڕ و سۆدیۆم و پۆتاسیۆم و مەگنیسیۆمی تیایە، ڤیتامین (ئەی و سی و بی) تیایە سلیلۆز ١٠.٢١٪ و کلۆرۆفیل و گلۆکۆسایدی تیایە.

بەکارهێنان و سوودەکانی ڕووەکی مەلوخیە

• هەرسی ئاسانە و سووکە لەسەر گەدە بۆیە ئارەزووی خواردن زیاد دەکات.
• بۆ شەوکوێری باشە چونکە ڤیتامین ئەی تیایە.
• چالاکی جنسی زیاد دەکات.
• هێمنکەرەوەی دەروونی پەشوکاوە چونکە مەگنیسیۆمی تیایە.
• بۆ زیادە هەستیاری سوتانەوەی پێست باشە.
• سوودی هەیە بۆ نەخۆشی ڕۆماتیزم و ئازاری جومگە و ماسولکە و سەوەفان و داخورانی ئێسقان.
• زیادکردنی میزکردن و توانەوەی بەردی گورچیلە.
• نەخۆشییەکانی کۆئەندامی هەناسە.

سەرچاوەکان

1. بۆردی نوسەرانی ئینسکلۆپیدیای زانیاری
2. تەندروستی و ژیان