ئەندازیاری سەربازی

ئەندازیار

ئەندازیاری سەربازی ئەندازیارێكە لە هێزە چەكدارەكاندا كە دەرچووی كۆلێژی هونەری سەربازییە، یاخود بەهۆی خولەوە ئەو پێگەیەی پێ دەسپێردرێت، یاخود تەنیا بە بڕوانامەی كۆلێژی سەربازییەوە دەبێتە ئەندازیاری سەربازی، ئەوەش بەپێی یاسای وڵاتەكە دەگۆڕێت.

ئەندازیاری تەقینەوەكان

تەقینەوە واتە هەر ماددە یان بەكارهێنراوێك كە لە كاتی كارلێكدا وزەیەكی زۆر لە ئاگر و دەنگ بڵاوبكاتەوە لە مەودایەكی كورت، ئەندازیاری سەربازی یەكێك لە گرنگترین كارەكانی بریتییە لە پووچەڵكردنەوەی مین و تەقینەوەی دەستكردی دیكە، هەروەها دامەزراندن و شوێنكردنەوەی لە مەیدانی جەنگدا دژی دوژمن، واتە هەمان كار بە شێوەی هێرش و بەرگری.

مێژووی ئەندازیاری تەقینەوە دەگەڕێتەوە بۆ سەردەمی دروستكردنی تەقینەوە و بەكارهێنانی لە جەنگدا و مێژوویەكی زۆر كۆنی هەیە كە سەرەتاكانی دەگەڕێتەوە بۆ سەدەی دەیەم لە چین، ئەم كارەش بە كەسانێكی تایبەت دەسپێردرا.

لە سووپاكاندا یەكەی ئەندازیاری سەربازی جیادەكرێتەوە و لە مەیدانی جەنگدا دەكەونە پێش بۆ پاككردنەوەی ئەو شوێنەی داگیردەكرێت یان ئازاد دەكرێت لە مین و تەقینەوە و عەبوەی شاراوە و سیم و نارنجۆكی ڕێكخراو و ماڵی بۆمبڕێژكراو.

سەرچاوەکان

1. "Explosive | chemical product". Encyclopedia Britannica (باللغة الإنجليزية). مؤرشف من الأصل في 26 يوليو 2019. اطلع عليه بتاريخ 26 أبريل 2019.
2. "military engineering". Encyclopædia Britannica Inc. 2013. مؤرشف من الأصل في 15 مايو 2015. اطلع عليه بتاريخ 13 فبراير 2013.
3. Bernard Brodie, Fawn McKay Brodie (1973). From Crossbow to H-bomb. Indiana University Press. ISBN 0-253-20161-6. مؤرشف من الأصل في 18 فبراير 2020.
4. Cooper, Paul W. (2018-07-19). Explosives Engineering (باللغة الإنجليزية). John Wiley & Sons. ISBN 9781119537137. مؤرشف من الأصل في 24 مارس 2020.
5. بۆردی نوسەرانی ئینسكلۆپیدیای زانیاری