ناوه‌ڕۆك
بۆ مەدهۆشی شاعیر و بەڵێنەکەی
شاعیر: کاکەی فەلاح
بەرهەم: دیوانی کاکەی فەلاح
شیعر: بۆ مەدهۆشی شاعیر و بەڵێنەکەی
نەفس بە هیوای ئەو بەڵێنە بوو
هێلکەی چی؟ ! هەمووی دوو زەردێنە بوو
وتیان بێ خوێیە، من کەتامم کرد
بەینی بەینەڵڵا هیچ بێ خوێ نەبوو
پیرییە، یان خەم زەینی کول کردوون
بیر تیژیی ئێوە خۆ کەم وێنە بوو
چوارشەممە و شەممە و سەفەر دوایی هات
دەنگی تەلەفۆن بۆ بەر گوێ نەبوو
سەرما خەریکە دوورکەوێتەوە
جڵقەی هێلکە بۆر لە هیچ کوێ نەبوو
قەرز کۆن ئەبێ، بڵێی نەفەوتێ؟
مەسەل کۆنە، هی ئەمڕۆ و دوێ نەبوو
سەرچاوەکان
216 بینین
