ئەی بە ماڵ و بە سەر فیدایی وەتەن - بێخود

له‌لایه‌ن: - ڕێزدار ئەحمەد - به‌روار: 2022-05-13-15:00:00 - کۆدی بابەت: 8633
ئەی بە ماڵ و بە سەر فیدایی وەتەن - بێخود

ناوه‌ڕۆك

ئەی بە ماڵ و بە سەر فیدایی وەتەن

شاعیر: بێخود

بەرهەم: دیوانی بێخود

ناوی شعر: ئەی بە ماڵ و بە سەر فیدایی وەتەن

ئەی بە ماڵ و بە سەر فیدایی وەتەن

وەی وەکوو کاکی خۆت برایی وەتەن

دامەنی کام و دەستی تۆ دوورن

تا بە ڕۆح ئەبیە گەردی ڕایی وەتەن

تا من و تۆ نەبینە پەروانە

شەوقی چۆن خۆش ئەبێ چرایی وەتەن

حیشمەتی خوسرەوی مەحاڵە هەتا

جانی شیرین نەکەن فیدایی وەتەن

بێ شرینقەی برایەتی هەرگیز

نییە چاری مەلاریایی وەتەن

بێ «کنین»ی یەکێتی و جیددی

زەحمەتە چاری لەرز و تایی وەتەن

لە کەمانچەی سەری من و تۆدا

تا ببێ نەغمەیی هەوایی وەتەن

ئاخری هەر بە یومنی لوتفی خودا

دێینە ژێر سایەیی هومایی وەتەن

یەعنی هەروەک درەفشەکەی کاوە

ئیشی خۆی هەر ئەکا لیوایی وەتەن

دوڕڕ و مەرجان و کارەبای کوردان

نێرگسە و لالەیە و گیایی وەتەن

لەعل و زومڕووت و گەوهەری ئێمەن

زیخ و بەردی کەژ و چیایی وەتەن

بە هەزار تەختی خوسرەوی نادەم

جێگەپێیێکی یەک گەدایی وەتەن

کاسب و پارە، زاهید و جەننەت

بێخود و خاکی دڵگوشایی وەتەن


سەرچاوەکان



250 بینین